السلام عليكم ورحمة الله وبركاته يا حلوين، زي ما أنتم شايفين بالعنوان رح نتكلم عن مادة الحاسب الآلي، وكل ما يتعلق فيها.
مادة الحاسب الآلي هي مادة من مواد السنة التحضيرية راح تأخذونها في الترم الأول، محتواها سهل ومعروف وسبق لكم دراسته في الثانوي،
*المادة باللغة الإنجليزية.
تحتوي المادة على جزئين :جزء عملي وجزء نظري
الجزء النظري في البداية راح تأخذون الوحدة الوحدة الأولى (introduction to computing and its applications )
راح تأخذون في هذه الوحدة نظرة عامة وشاملة عن الكمبيوتر: أدوات الإدخال والإخراج والذاكرة، وراح تدرسون عن الإنترنت والإيميل، وراح تأخذون برنامج Microsoft edge. والورود وواجهته الرئيسية ومميزاته، وهو اللي راح تشتغلون عليه في المادة في جزئية العملي.
الوحدة الثانية راح تاخذون (algorithms and programming )، اللي هي الخوارزميات و البرمجة وكل ما يتعلق فيها،
وراح يكون فيه جزء عملي بسيط للميد.
بيدخل معكم في (الميد الأول) الوحدتين الأولى والثانية وتختبرون فيها وخلاص ما تدخل معكم في الفاينل.
نجي للجزء الثاني اللي هو الجزء العملي ويشمل آخر ثلاث وحدات:
وتختبرون فيها فاينل.
وراح يكون فيه مشروع تشتغلون عليه تختارون وحدة من الأربع مواضيع :
١-إنشاء قاعدة بيانات (ببرنامج access).
٢-تحرير فيديو
٣-تصميم موقع (ببرنامج publisher).
٤- excel dashboard
وراح تقدمون تقرير عن المشروع، شيء سهل بتشرف الأستاذة عليه لين يصير تمام.
راح تبدون في المشروع بدري من الأسابيع الأولى، والتسليم في (الأسبوع ١٢)، وكل ما تأخرتوا رح ينقص من درجاتكم.
وعندكم وقت طويل يمديكم تسوونه فيه.
راح تسوونه فردي أو جماعي على حسب أستاذتكم.
والأستاذة راح تمشي معكم خطوة بخطوة فلا تخافون منه نهائيًا.
والتسليم راح يكون إلكتروني، ترفعون شغلكم على البلاك بورد (LMS).
وآخر شي راح يكون فيه(PCA) موجود بالبلاك بورد للوحدات، كل وحدة عليها عدد معين من الأسئلة تحلينها شي سهل جدًا، وإذا غلطتِ يمديك تعرفين وش الصح وترجعين تحلينه لين تحلين كل شي صح يعني شي درجاته في الجيب إن شاء الله.
٤ساعات بواقع محاضرتين في الأسبوع.
ساعات المادة المعتمدة:٣ساعات في المعدل.
ساعات الغياب : مسموح لكم تغيبون ١٥ ساعة؛ بنسبة ٢٥٪ بعدها راح ينزل الحرمان.
الاختبار النصفي:٣٠ درجة، وراح يكون على حاسب آلي؛ عبارة عن جزء نظري (اختياري) وجزء عملي (تنفيذ أوامر معينة) وبيكون في الوحدتين الأولى.
الاختبار النهائي:٥٠ درجة، الأسئلة بتكون موزعة على آخر ثلاث وحدات ونفس طريقة الميد.
المشروع:١٠درجات، مقسمة كالآتي؛ (٣ درجات على التقرير، ٣ درجات على محتوى المشروع، ٤ درجات على شي اسمه (Oral exam) هذا اختبار بسيط تجي الأستاذة تسأل كل طالبة وش سوت في المشروع، ووش سوت في التقرير، وتسألها سؤالين عن الشغل نفسه.
١٠درجات:PCA
١-كتاب المادة وهو المصدر الأساسي للمذاكرة.
٢-برنامج (سوكرتف) يا تسوي لكم الأستاذة روم فيه أو أحد الطلاب، يكون فيه كويز على كل وحدة، بعدد أسئلة معين عشان تختبرين نفسك فيه فركزوا عليه مررة تقريبًا الاختبار قريب من الصيغة، وما عليه درجات بس عشان تشوفين فهمك للوحدة.
٣-الاختبار التجريبي تنزله الجامعة في البلاك بورد.
بالنسبة لمادة التقن مادة سهله وتقدرون تأخذون فيها (أ+) ان شاء الله ، بس في نفس الوقت لا تسحبون عليها لان يبيلها تركيز.
بالنسبة للغة الإنجليزية اللي لغتها مو كويسة، أبدًا لا تخاف قبل كل محاضرة تحاول تترجم، ونصيحة لا تترجمون حرفيًا ترى تعب وماله نتيجة؛ يعني ترجموا الكلمات الأساسية، بعدين بتلقونها تكررت. صعوبة التقن في البداية في المصطلحات بعدين بتتعودون وتصير أجمل مادة عندكم. طبعًا أغلب أستاذات المقرر من (الجنسية الهندية) فالإنجليزي الهندي ما يحتاج أقولكم كيف النطق، بس لا تخافون ما يعتمد على الأستاذة أبدًا، تقدرين تترجمين من نفسك وتصير أمورك تمام خاصة أنها أشياء قد أخذتوها في الثانوي.
وأبدًا لا تسمعون كلام اللي يقول إنها صعبة وفيه بنات يوم شافوا حجم الكتاب خافوا، وأعترف أني وحدة منهم، بس أقولكم عن تجربة ما يستاهل هذا الخوف يعني جد مرررة كان حلو.
فيه بنات ما يحبون الحاسب وخافوا وشالوا هم (شلون نعديها!)، محدثتكم مالها في الحاسب وما تحبه وجابت فيه (أ+) فأبدًا مو صعب بس زي ما قلت لا تستهينون.
نصيحتي الأخيرة أنكم تحاولون قد ما تقدرون تخلصون مشروعكم بدري لا تضغطون على أنفسكم آخر شيء.
(والبراكتس) احرصوا تسوون كل وحدة بوقتها عشان ما يتراكم عليكم.
هنا بعض الأشياء مساعدة للمادة:
– كتاب التقن باللغة العربية
والله يوفقكم يارب💝💝
تعليقات
إرسال تعليق