تخصص الأحياء الدقيقة في جامعة الملك سعود من وجهة نظر طالبة مستوى ٤

أولا خلينا نتكلم عن  الخطة الدراسية لتخصص
فيها كثير مواد اختياريه
لك الحرية في ترتيبها لكن الاغلبيه تحتاج مادة حدق ١٤٠ كمتطلب أساسي.

والدراسة عبارة عن ٩ اترام
وفيها تدريبين
تدريب صناعي
وتدريب صحي

إيش ندرس في التخصص؟ التخصص يدرس الكائنات الدقيقة المجهريه يعني بيكون معك علاقة لطيفة مع المجهر راح تدرسين (الطحالب - الفطريات - البكتيريا - الفيروس) 

مستوى صعوبة التخصص؟
من متوسط إلى سهل 
ليه قلت سهل إلى متوسط؟ لأن راح تدرسين (الطحالب - الفطريات - البكتيريا - الفيروس)  وكلها مخلوقات درسناها من قبل
وما اخفيك ان اول ترم كنت ماخذه (ج)  في أغلب المواد وأكثر ماده اخذت (ب)
لكن الترم الثاني اخذت (أ+)  في أغلب المواد وأقل مادة (ب)
سهل وبتفهمينه وكل معلومه مربوطه بالثانيه واذا تبين تاخذين درجات زينه خلي معلوماتك الخارجية كثيره، اقري اقري اقري وبتجيبين(أ+)  زي الموية.

قد يوصل لصعب؟ اي فيه مواد تحتاجين تحفظيف التصنيف لكل فطر او فيروس او بكتيريا يعني بتغرقين في بحر الحفظ وليت الكلمات واضحه كلها أسماء وعوائل غريبة عجيبه.

الدكتورات :
للأن ما دخلت عند دكتوره غثيثه كلهم يتناقشون معك في الدرجة ولو عندك ذكاء اجتماعي بتقدرين تخلينها تعطيك بونس.
حبوبات ومريحات يخلونك تحبين التخصص، حتى الدكتوره الصعبة فيهم بتنصدمين في النهاية انها رافعتك.

بتكلم عن مستوى ٣
فيه ٤ مواد مادتين حدق ومادتين كيح

١٤٠ حدق انقليزية تتكلم بشكل مبسط عن الاحياء الدقيقة تعتبر مقدمة ومادة ممهدة وفيها ندرس أهم التجارب والعلماء اللي كونوا هذا التخصص

٢٤٠ حدق مهارات مخبرية، كلها معمل وممتعة وحلوة وندرس كمان فيها أهم التجارب بالتخصص وأشهرها
والمادتين تعتبر سهلة وحلوة

كيح ١٠١ عليها ٤ ساعات هي سهلة بس تحتاج وقت وجهد منك ومراجعة اول باول خصوصًا الايض بس مو مستحيل تجيبين فيها أ+ صح صعب بس تقدرين

كيح٢٢٠ كيمياء الدم،المادة بالانجليزي. ممتعة ممتعة مررررة وفيها نتفة صعوبة ممكن بالمصطلحات بس مع التكرار بتمشين فيها

التجميعات :
وفيه انسانه لطيفة سوت هذا المجلد بقوقل درايف، أول ماتدخلونه بتلقون ملف pdf فيه نبذة عن التخصص وعن مستوى ثالث وبعض النصائح 📚💚
وفيه *لكل مادة مجلد*، مع ملخصات وأسئلة ( من طالبات أخريات ) لبعض المواد، اللي فادتني بوقتها 🤷🏻‍♀️
كان ودي ألقى لكم ملخصات لكل المواد، لكن مالقيت عندي إلا هذه .

والله يوفقكم وييسر لكم، لاتنسونا من دعائكم 🧡

https://drive.google.com/drive/folders/1oxi1DCUy07Zn2d1PlIHjVJROInPA-tP2?usp=sharing

وفي هذا الملف حطيت تجميعاتي لمستوى ٣ عام ١٤٤٢

https://drive.google.com/folderview?id=188wRrFXhhRFpPdViV9GaxQL6bkaaoFnU